Barr tekinn við embætti dómsmálaráðherra
Setja bókamerki
Öldungadeild Bandaríkjaþings hefur samþykkt skipan Williams Barr í embætti dómsmálaráðherra. Donald Trump Bandaríkjaforseti tilnefndi Barr í embættið í desember eftir að Jeff Sessions sagði af sér í nóvember eftir þrýsting frá Trump.
Barr hefur áður gegnt embættinu í stjórnartíð George H.W. Bush, fyrrverandi Bandaríkjaforseta.
54 öldungadeildarþingmenn greiddu atkvæði með tilnefningunni, þar á meðal þrír demókratar. 45 voru á móti, til að mynda Rand Paul, þingmaður repúblikana.
Matthew Whitaker hefur gegnt embættinu til bráðabirgða frá því að Sessions sagði af sér en nú tekur Barr formlega við frá og með deginum í dag.
Meðal verkefna sem bíða hans er að hafa umsjón með rannsókn af mögulegum afskiptum Rússa af forsetakosningunum 2016, rannsókn sem Trump hefur kallað nornaveiðar.
Tveir í bílnum sem lenti utan vegar
Árshátíð ríkislögreglustjóra haldin í Tékklandi
Skar höfuðleðrið af íslenskri konu
Skiptir miklu meira máli en fólk grunar
Banna mengandi búnað sem leyfður er á Íslandi
Sex hafa greinst með listeríu
Kostnaður meiri en milljón á fermetra