Lést í kjölfar misheppnaðrar fóstureyðingar

Aðgerðasinninn Caroline Mwatha lést í kjölfarið á misheppnaðri fóstureyðingu.
Aðgerðasinninn Caroline Mwatha lést í kjölfarið á misheppnaðri fóstureyðingu. AFP

Kenískur aðgerðasinni lét lífið eftir misheppnaða fóstureyðingu, samkvæmt krufningu og yfirlýsingu lögreglu. Fjölskylda konunnar er ekki sannfærð um þær skýringar.

Caroline Mwatha hvarf sporlaust fyrir viku og mannréttindasamtökin Amnesty International lýstu fljótlega yfir áhyggjum vegna þess að Mwatha hefur barist gegn lögregluofbeldi í Kenía.

Lögreglan greindi frá því á þriðjudag að lík hennar hefði fundist í líkhúsinu í Nairobi, höfuðborg landsins, og rannsókn hefði leitt í ljóst að gerð hefði verið tilraun til fóstureyðingar en að sögn lögreglu var Mwatha gengin fimm mánuði á leið.

Fóstureyðingar eru ólöglegar í Kenía nema líf konunnar sé í hættu.

Fjölskylda Mwatha efast um skýringar lögreglu. „Við höfum ekki séð að Caro [Mwatha] væri ólétt, hún var ekki ólétt. Hvernig gat hún farið í fóstureyðingu?“ spurði faðir hennar, Stanslus Mbai.

„Þetta er ráðgáta en ég skoðaði líkið. Hún er með djúpan skurð á læri og maga, er það fóstureyðing?“ spurði Mbai.

Hann segist hafa misst af símtali frá dóttur sinni á þeim tíma þegar sagt er að hún hafi verið látin. „Það er margt í þessum útskýringum sem gengur ekki upp,“ sagði Mbai.

Samkvæmt opinberum gögnum deyja sjö konur daglega í Kenía eftir misheppnaðar fóstureyðingar.

mbl.is
Skattframtalsgerð einstaklingar/minni fé
Tek að mér gerð skattframtala fyrir einstaklinga og minni félög. Almennt bókhal...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...