Lögðu hald á horn að verðmæti 119 milljóna

Nashyrningshornin sem tollverðir í Hong Kong lögðu hald á.
Nashyrningshornin sem tollverðir í Hong Kong lögðu hald á. AFP

Flugvallaryfirvöld í Hong Kong hafa handtekið tvo menn en þeir reyndu að smygla nashyrningshornum að verðmæti einni milljón bandaríkjadala, jafnvirði um 119 milljóna króna, í gegnum landið til Víetnam.

Tollverðir lögðu hald á 24 afsöguð nashyrningshorn en þau vógu samtals 40 kíló. Fram kemur í frétt BBC að þetta sé mesti fjöldi nashyrningshorna sem reynt hefur verið að smygla í gegnum Hong Kong.

Mennirnir voru á leið til Ho Chi Minh í Víetnam frá Jóhannesarborg í Suður-Afríku með viðkomu í Hong kong.

Nashyrningshorn eru eftirsótt í Kína og Víetnam þar sem þau þykja hafa lækningamátt. Eftirspurn þaðan ýtir undir veiðiþjófnað í Afríku, sérstaklega í Suður-Afríku en þar má finna um 80% af villtum nashyrningum.

mbl.is
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...