Ætla að svipta Begum ríkisborgararétti
Setja bókamerki
Tengdar fréttir
Ríki íslams
Breska innanríkisráðuneytið vinnur nú að því að svipta Shamimu Begum, breska konu sem flúði til Sýrlands og gekk til liðs við Ríki íslams er hún var 15 ára, ríkisborgararétti sínum.
Begum flúði nýlega frá vígasamtökunum og dvelur nú ásamt nýfæddu barni sínu í flóttamannabúðum í Sýrlandi. Hún hefur látið í ljós löngun til að snúa aftur til Bretlands og hefur sagst tilbúin að taka afleiðingum gjörða sinna.
Guardian hefur eftir fjölskyldu Begum að innanríkisráðuneytið hafi tilkynnt þeim í dag að svipta ætti hana breskum ríkisborgarrétti. Segist fjölskyldan vonsvikin með þessa ákvörðun ráðuneytisins, en hún hafði biðlað til stjórnvalda að Begum og barn hennar fengju að snúa heim. Innanríkisráðherrann Sajid Javid hafði hins vegar áður greint frá því að hann myndi gera allt sem í hans valdi stæði til að koma í veg fyrir að Begum fengi að koma aftur til Bretlands.
Tasnime Akunjee, lögfræðingur fjölskyldu Begum, segir þau vera „mjög vonsvikin með áætlun innanríkisráðuneytisins að svipta Shamimu ríkisborgararétti sínum. Við erum nú að skoða alla lagamöguleika til að vefengja þessa ákvörðun,“ sagði Akunjee.
Tengdar fréttir
Ríki íslams
Segjast hafa skotið niður langdræga sprengjuvél
Mikilvægt að vera á tánum
Bjarkey stendur við skammarbréf Svandísar
Hæstiréttur staðfestir vanhæfi alls Landsréttar
Færa slökkviliðið til nútímans
Mun fara sparlega með málskotsréttinn
„Búið að vera í dreifingu í einhvern tíma“