Hákarlar gætu læknað krabbamein

Hvíthákarlar eða hvítháfar gætu geymt svarið við hinni eilífu spurningu læknisfræðinnar um hvernig lækna skuli krabbamein og aðra aldurstengda sjúkdóma í mannfólki. BBC greinir frá.

Ný rannsókn þar sem DNA hvíthákarla var kortlagt sýnir að þessar skepnur búa yfir þeim einstaka hæfileika að geta gert við „gallað“ DNA í sjálfum sér og verndað sig gegn krabbameini.

Vísindamenn binda vonir við að rannsóknir á þessum skepnum geti nýst í lækningarskyni gegn krabbameini. Sá hæfileiki skepnanna að geta gert við sitt eigið DNA þykir einkum eftirsóknarverður fyrir okkur þar sem við mannfólkið búum ekki yfir þeim eiginleika. Þessi eiginleiki hefur þróast lengi í hvíthákörlum sem tróna efst á toppi fæðukeðju undirdjúpanna. 

• Blogga um frétt