Einn látinn eftir snjóflóð í Ölpunum

Björgunarfólk við leit að fólki sem snjóflóðið hreif með sér.
Björgunarfólk við leit að fólki sem snjóflóðið hreif með sér. AFP

Einstaklingur sem varð fyrir snjóflóði á skíðasvæðinu Plaine-Morte í Cr­ans-Mont­ana í sviss­nesku Ölp­un­um er látinn. Hlé hefur verið gert á leit í fjallinu sem hafði staðið yfir frá því um miðjan daginn í gær.

AFP greindi frá því að snjóflóðið í gær hefði hrifið með sér tíu skíðamenn og eru fjórir þeirra slasaðir og einn látinn; 34 ára Frakki.

Fram kom í yfirlýsingu lögreglu í morgun að leit hefði verið hætt í bili en yrði haldið áfram ef ástæða þætti til. 250 manna leitar- og björgunarlið, fjórar þyrlur og leitarhundar leituðu frá því síðdegis í gær.

Snjóflóðið féll á merkta skíðabrekku en óvenjumargir voru í fjallinu vegna vetrarfría í skólum. Skíðasvæðið í Plaine-Morte er í um 3.000 metra hæð og er ekk­ert annað skíðasvæði í ná­grenn­inu hærra yfir sjáv­ar­máli.

mbl.is
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
Vetur í Biskupstungum...
Eigum laust sumarhús í mars/april í nokkra daga. Hlý og kósí hús með heitum pot...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...