Bishop hættir á þingi

Hér sést Julie Bishop ræða við leikkonuna Nicole Kidman.
Hér sést Julie Bishop ræða við leikkonuna Nicole Kidman. AFP

Fyrrverandi utanríkisráðherra Ástralíu, Julie Bishop, tilkynnti um að hún ætlaði að hætta í stjórnmálum í dag. Þykir þetta mikið áfall fyrir flokk hennar þegar stutt er í kosningar.

Bishop hefur notið mikilla vinsælda meðal kjósenda Frjálslynda flokksins og kom tilkynning hennar í dag mörgum félögum hennar á þingi á óvart. Þingkosningar fara fram í Ástralíu um miðjan maí. 

Bishop var fyrsta konan til þess að gegna embætti utanríkisráðherra í Ástralíu en hún var ráðherra frá 2013 til 2018. Hún var jafnframt fyrsta konan sem var varaformaður flokksins en það var hún í 11 ár. 

Julie Bishop.
Julie Bishop. Wikipedia
mbl.is
Fleira áhugavert
Fleira áhugavert