Juan Guaido, forseti þings Venesúela sem lýst hefur sjálfan sig starfandi forseta landsins, hyggst fara að landamærunum að Kólumbíu til þess að reyna að tryggja að hjálpargögnum, sem Bandaríkjamenn hafa sent til landsins og safnað hefur verið saman í landamærabænum Cucuta, verði komið til þeirra sem þurfa á því að halda.

Herinn í Venesúela hefur komið í veg fyrir að hægt hefur verið að flytja hjálpargögnin yfir landamærin samkvæmt skipun Nicolas Maduro, forseta landsins. Maduro segir að hjálpargögnin feli í sér afskipti af innanlandsmálum Venesúela. Guaido hefur sagt að hjálpargögnin þurfi að skila sér í síðasta lagi á laugardaginn.

Þingforsetinn hyggst halda að landamærunum í bílalest með fleiri þingmönnum. Fram kemur í frétt AFP að ekki hafi komið fram nákvæmlega hvað Guaido ætli að gera við landamærin þegar þangað komi. Hann hafi hins vegar fengið þúsundir sjálfboðaliða á undanförnum dögum til þess að aðstoða við að dreifa hjálpargögnunum.

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt