Rússnesk stjórnvöld saka þau banda­rísku um sýndarmennsku vegna neyðaraðstoðar til Venesúela sem þau síðarnefndu standa fyrir. Nicolas Maduro, for­seti Venesúela, þver­tek­ur fyr­ir að neyðarástand ríki í land­inu og hefur lokað fyrir landamærin að Brasilíu og hótað að loka þeim að Kólumbíu til að hindra að neyðaraðstoðin berist. 

Ef Bandaríkin muni halda áfram að skipta sér af málum í Venesúela „mun það auka spennuna til muna,“ sagði María Zakharóva, talskona utanríkisráðuneytis Rússlands. Hún kallaði þetta brellu Bandaríkjamanna því raunverulegur tilgangur væri að hefja hernaðaraðgerðir gegn Maduro. Rússar eru bandamenn Maduro og hafa ítrekað sakað Bandaríkin um að standa á bak við valdarán í Caracas, höfuðborg Venesúela.

Frétt af mbl.is

Lokar landamærunum að Brasilíu

Juan Guaido, þing­for­seti Venesúela sem lýst hef­ur sjálf­an sig starf­andi for­seta lands­ins, er hins veg­ar á leiðinni til landa­mæra Kól­umb­íu til þess að tryggja að hjálp­ar­gögn­um verði komið til þeirra sem á þurfa að halda, en her­inn hef­ur hingað til reynt að koma í veg fyr­ir flutn­ing hjálp­ar­gagna yfir landa­mær­in sam­kvæmt skip­un Maduro.

Zakharóva sagði enn fremur að aðgerðir Guaido væru eins og olía á eldinn. Hún benti einnig á að bandaríski herinn hefði fært sig nær landamærum Venesúela og sakaði hann um að hyggjast selja stjórnarandstæðingum vopn. 

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt