Tvö hundruð hermenn verða eftir
Setja bókamerki
Bandaríkjaher mun halda um það bil 200 hermönnum í Sýrlandi, um óákveðinn tíma, samkvæmt tilkynningu sem barst frá Hvíta húsinu í gær. Áður hafði Donald Trump Bandaríkjaforseti kynnt áætlanir um að kalla alla um það bil 2.000 bandarísku hermennina sem eru í Sýrlandi heim.
Þær áætlanir hafa verið gagnrýndar af þingmönnum beggja flokka á þjóðþingi Bandaríkjanna, en til stóð að kalla allt herliðið heim fyrir 30. apríl. Sarah Sanders, fjölmiðlafulltrúi Hvíta hússins, lýsti því fyrir fréttamönnum í Hvíta húsinu í gær að þessi tvö hundruð hermanna hópur myndi starfa sem friðargæslulið.
Í frétt AFP um málið er látið að því liggja að þessi ákvörðun Bandaríkjamanna sé ef til vill tilraun til þess að fá evrópska bandamenn til þess að halda hersveitum sínum í Sýrlandi eftir að Bandaríkjamenn flytja megnið af herafla sínum þaðan.
Patrick Shanahan, starfandi varnarmálaráðherra Bandaríkjanna, ferðaðist til Evrópu í síðustu viku og reyndi að sannfæra bandamenn Bandaríkjanna um að halda sínu herliði í Sýrlandi eftir að Bandaríkjamenn færu. Viðbrögðin við því munu hafi verið neikvæð.
Donald Trump ræddi við Recep Tayyip Erdogan Tyrklandsforseta í gær, meðal annars um Sýrland, samkvæmt tilkynningu Hvíta hússins. Þar segir að forsetarnir hafi sammælst um að halda áfram að vinna saman að því búa mögulega til „öruggt svæði“ í Sýrlandi.
Verðbólgan komin niður í 6%
Skar höfuðleðrið af íslenskri konu
„Hvílir mikil leynd yfir þessu öllu“
„Skýr skilaboð til Seðlabankans“
Handtekin eftir að tvö börn fundust látin
„Það þarf að vinna mikinn fjölda upp“
Veiting hvalveiðileyfis ekki brot á EES-samningi