Einn er látinn eftir að snjóflóð féll í skóglendi í Austurríki skammt frá landamærum Þýskalands í dag. Fjórum öðrum var bjargað úr snjóflóðinu en viðbragðsaðilar hafa haldið leit áfram ef ske kynni að fleiri hafi grafist í snjónum.
Flóðið féll skammt frá skíðasvæðinu í Reutte. Aðstæður gerðu björgunarfólki erfitt um vik en flestir vegir að svæðinu voru lokaðir eftir að snjóflóð féll á þá á fimmtudaginn.
„Einn þeirr fjögurra sem við björguðum er slasaður,“ sagðði Michael Eder, talsmaður lögreglu. Hann sagði að mennirnir fimm sem lentu í flóðinu væru skíðamenn en vissi ekki hvers lenskir.