Sjö úr sömu fjölskyldu létust

Sjö úr sömu fjölskyldu voru meðal þeirra sem létust vegna skýstrokka sem gengu yfir Alabama í Bandaríkjunum á sunnudag. Allir sem létust fundust í nágrenni heimila sinna, samkvæmt upplýsingum frá björgunaraðilum.

Frétt af mbl.is

23 látnir í skýstrokkum

Greint er frá því á vef BBC að þau látnu séu á aldrinum sex til 89 ára, en allt að átta er enn saknað eftir veðurofsann.

„Við höldum að öll fórnarlömbin hafi verið inni á heimilum sínum þegar þetta skall á. Þau enduðu öll, nema tvö, utan heimila sinna,“ segir Bill Harris, dánardómstjóri í Lee-sýslu í Alabama. Húsin væru ekki á sínum stað lengur.

Hann segir einn þeirra sem komst lífs af hafa misst sjö ástvini og að sá sjái fram á mikil fjárútlát vegna jarðarfaranna. Fjöldi fólks hafi þó þegar boðist til að aðstoða við fjármögnun þeirra.

• Blogga um frétt