Leiðtogar Evrópusambandsins segjast vera tilbúnir til að vinna baki brotnu um helgina ef „viðunandi“ tillögur berast frá breskum stjórnvöldum um svokallað backstop-ákvæði um landamæri Írlands og Norður-Írlands fyrir föstudag.

Í ákvæðinu felst að ef eng­inn viðskipta­sam­ing­ur ligg­ur fyr­ir tveim­ur árum eft­ir út­göngu Breta verði Bret­ar áfram í tolla­banda­lagi ESB þar til bæði stjórn­völd í Bretlandi og í ESB kom­ast að sam­komu­lagi um annað.

Theresa May, forsætisráðherra Bretlands, hefur reynt að fá breytingartillögur um ákvæðið samþykktar á breska þinginu, en við litla undirtektir. 

Greidd verða atkvæði um Brexit-samninginn í annað sinn á breska þinginu í næstu viku. Ef samningnum verður hafnað, líkt og í janúar, verður tvennt í stöðunni: Að ganga úr Evrópusambandinu án samnings eða að fresta útgöngu, sem er fyrirhuguð 29. mars.

Philip Hammond, fjármálaráðherra Bretlands, sagði í útvarpsviðtali á BBC í morgun að frestun verði líklega niðurstaðan ef samningurinn verður felldur í næstu viku.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt