Fyrrverandi varaforseti Bandaríkjanna, Joseph R. Biden Jr., og öldungadeildarþingmaðurinn Bernie Sanders njóta mests stuðnings í forvali demókrata í Iowa samkvæmt nýrri skoðanakönnun sem birt var í dag.
Fyrstu forvalskosningar Demókrataflokksins fara fram í Iowa snemma í febrúar á næsta ári. Samkvæmt Des Moines Register og CNN var Biden með 27% atkvæða en Sanders 25%. Biden hefur ekki lýst því yfir að hann ætli að taka þátt í forvali flokksins fyrir komandi forsetakosningar en ráðgjafar hans hafa ýjað að því. Aftur á móti hefur Sanders lýst því yfir að hann ætli að taka þátt. Síðast stóð baráttan á milli hans og Hillary Clinton.