Strætisvagn sprakk í Stokkhólmi

Strætisvagninn varð alelda eftir að mikil sprenging varð í honum ...
Strætisvagninn varð alelda eftir að mikil sprenging varð í honum eins og sést á þessari mynd sem vegfarandi tók. Ljósmynd/Ábendinganetfang Aftonbladet

Mikil sprenging varð í strætisvagni í miðborg Stokkhólms, við Klaratunnelen, nú upp úr klukkan 11 að skandinavískum tíma, 10 að íslenskum. Að sögn sjónarvotta, sem Aftonbladet hefur rætt við, er einn slasaður og greina sömu sjónarvottar jafnframt frá því að merking á ljósaskilti vagnsins hafi gefið til kynna að hann hafi ekki verið í áætlunarakstri.

Carina Skagerlind, sem varð fyrir svörum hjá lögreglunni, segir að um gasknúinn strætisvagn sé að ræða og ein kenning lögreglunnar sé að vagninn hafi hugsanlega ekið á tálmann sem sýnir lofthæð jarðganganna og á að vera síðasta viðvörun ökumanna of hárra bifreiða.

Vegfarandinn Björn Wallentin segist hafa heyrt gríðarlega sprengingu og hafi byggingar í nágrenninu leikið á reiðiskjálfi. Hann segir sína fyrstu hugsun hafa verið að um hryðjuverkaárás væri að ræða og hafi hann heyrt fjölda minni sprenginga í kjölfar þeirrar fyrstu.

Slökkvilið Stokkhólms vinnur nú að slökkvistarfi en vagninn varð alelda á skömmum tíma eftir sprenginguna.

Aftonbladet

DI

Dagens Nyheter

mbl.is
Skrifstofuhúsnæði til leigu.
Óskað er eftir leigjendum fyrir skrifstofuhúsnæði að Hverfisgötu 76, 101 Reykja...
Til sölu Færeyingur Haffrúin 6032
Gengur í Strandveiðina, Ný vél, vökvagír, skrúfa og mælaborð, nýtt rafkerfi,raf...
Giftingar- og trúlofunarhringar frá ERNU
Mikið úrval. Á mynd er silfurpar með alexandrite-steini sem gefur mikið litaflóð...
Íbúð til langtímaleigu.
50m2 íbúð við Hlemm til leigu, hentar einstaklingi eða pari. Leiga 200.000, leig...