Í Vivalla Örebro síðasta sumar sést á myndskeiði, sem nágranni tók upp, hópur manna ráðast á ungan mann. Þeirra á meðal rúmlega þrítugur maður sem stingur unga manninn til bana með skærum. Árásarmaðurinn er einn þeirra sem fóru snemma til Sýrlands ásamt tveimur bræðrum sínum. Þeir voru báðir drepnir í stríðinu í Sýrlandi.
Samkvæmt fréttaskýringu SVT er erfitt að ná utan um fólkið sem hefur snúið til baka en alls hafði SVT upp á 41. Af þeim eru 12 konur og hefur engin þeirra komist í kast við lögin í Svíþjóð. Aftur á móti hafa 13 karlar gert það. Sakamálin eru af ýmsum toga. Fjársvik, skattsvik, mannrán, peningaþvætti, ofbeldisbrot, þjófnaður, eiturlyfjabrot og innbrot.
Einn þeirra sem nefndur er í skjölum Ríkis íslams yfir liðmenn vígasamtakanna neitar því að hafa tekið þátt í starfi vígasamtakanna. „Það hlýtur einhver að hafa stolið skilríkjunum mínum,“ segir hann í viðtali við SVT.