„Byrjum þessa veislu“

Skjáskot úr beinni útsendingu árásarmannsins sem kynnti sig sem Ástralann ...
Skjáskot úr beinni útsendingu árásarmannsins sem kynnti sig sem Ástralann Brenton Tarrant. AFP

„Byrjum þessa veislu,“ segir hann um leið og hann kveikir á bíl sínum. Í farþegasætinu sjást þrjár skammbyssur. Hann snýr svo myndavélinni að sjálfum sér og segir yfirvegað: „Sælir piltar.“

Þannig hófst bein útsending ódæðismannsins sem drap að minnsta kosti 41 í mosku í borginni Christchurch á Nýja-Sjálandi í dag. Árás sína sendi hann út í beinni á Facebook. Fjölmiðlar fjalla nú um innihald myndskeiðsins hroðalega og birtar hafa verið nokkur skjáskot úr því. Lögregla og fleiri hafa hvatt til þess að myndbandinu sé ekki dreift og það ekki sýnt í fjölmiðlum.

Skjáskot af byssunum sem notaðar voru í árásinni. Á þeim ...
Skjáskot af byssunum sem notaðar voru í árásinni. Á þeim er að finna nöfn ýmissa öfgamanna sem hafa gert árásir á múslima. AFP

Ungi, hvíti, stutthærði maðurinn kynnir sig, segist vera Ástrali. Hann stöðvar bíl sinn á vegi skammt frá moskunni í miðborg Christchurch og fer út. Hann er klæddur eins og hermaður eða lögreglumaður og með hanska í felulitum á höndum. Fingurnir halda um byssu. Myndavélin er á höfði hans svo þeir sem fylgjast með á netinu fá árásina beint í æð, rétt eins og í fyrstu persónu tölvuleik. Það heyrist tónlist undir myndefninu, lag sem breskar hersveitir hafa gengið í takt við.

Í skotti bílsins eru fleiri byssur. Þar sést einnig í rauða bensínbrúsa. Byssurnar eru útkrotaðar með nöfnum þekktra ofbeldis- og öfgamanna.

Maðurinn leggur af stað í átt að moskunni. Hann mætir þremur á götunni en gengur framhjá þeim. Hann einbeitir sér að skotmarkinu: Moskunni. Og er fyrsti gestur hennar kemur gangandi út þá mundar Brenton Tarrant riffil sinn. 

Og þar með hefst skotárásin. Hann gengur svo milli herbergja í moskunni og skýtur á fólk. 

Önnur árás var gerð í mosku í úthverfi borgarinnar. Um hana er minna vitað á þessari stundu. Ljóst er þó að í árásunum tveimur týndu 49 lífi og álíka margir særðust, þar af tuttugu lífshættulega.

Skjáskot úr myndbandinu sem árásarmaðurinn tók upp og sendi út ...
Skjáskot úr myndbandinu sem árásarmaðurinn tók upp og sendi út í beinni af árás sinni í moskunni. AFP
mbl.is
dönsk antik innskotsborð sími 869-2798
dönsk antik innskotsborðinnlögð með rósamunstri í toppástandi á 35,000 kr sími...
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...