Nei það var ekki kveikt í kirkju

AFP

Myndskeið sem sýnir árás á kirkju á Nýja-Sjálandi í kjölfar hryðjuverkaárásarinnar á föstudag hefur notið mikilla vinsælda á samfélagsmiðlum og hafa fleiri hundruð þúsund manns horft á myndskeiðið. Það er hins vegar hundgamalt eða frá árinu 2013 og var tekið í Egyptalandi.

Þetta kemur fram á staðreyndavakt AFP-fréttastofunnar en þar segir að á myndskeiðinu, sem er 31 sekúnda að lengd, sjáist brennandi kirkja og tveir menn, annar í rauðum stuttermabol og hinn í bláum, standa hjá. 

Myndskeiðinu hefur verið dreift á Facebook, YouTube og Twitter með yfirskriftinni Breaking news - A Christian church in New Zealand has been attacked

Myndskeiðinu, sem AFP-fréttastofan rakti, var hlaðið inn á laugardag, daginn efir að Ástrali skaut 50 gesti í tveimur moskum í borginni Christchurch til bana. Horft hefur verið á myndskeiðið yfir 400 þúsund sinnum á einni Facebook-síðu á úrdú, en textinn sem fylgir með myndskeiðinu er á því tungumáli. Facebook-síðan er skráð í Pakistan og eru fylgjendur hennar 69 þúsund talsins. 

Þar segir jafnframt: Allir múslimar ættu að deila þessu. Vinsamlegast fylgið mér eftir og fáið nýjustu fréttir. Takk fyrir. 

AFP fréttastofan lét ekki þar við sitja heldur leitaði á Google þangað til hið sanna kom í ljós, myndskeiðið er tekið í borginni Sohag í Egyptalandi í ágúst 2013. 

Myndir af kirkjunni voru birtar á Facebook-síðu kirkjunnar og eins með frétt Mannréttindavaktarinnar um ofbeldisverk þar í ágúst 2013.

Lygafærslan er hluti af fréttafölsun á samfélagsmiðlum í kjölfar árásarinnar á Nýja-Sjálandi sem er ætlað að bæta á ófriðarbál milli trúarbragða í heiminum, samkvæmt AFP.


 Sjá nánar hér

mbl.is
Giftingar- og trúlofunarhringar frá ERNU
Mikið úrval. Á mynd er silfurpar með alexandrite-steini sem gefur mikið litaflóð...
EIGUM ALLSKONAR STIGA Á LAGER
Einnig sérsmíði, sjáið úrvalið t.d. á: www.sogem-stairs.com/en_home-home.php L...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...