Leiðtogar Evrópusambandsins hafa samþykkt áætlun um að fresta Brexit fram yfir 29. mars sem er dagsetningin sem hingað til hefur verið miðað við.

Frétt af mbl.is

Ætla að bjóða frest til 22. maí

Bretum verður boðið að fresta Brexit til 22. maí ef breskir þingmenn greiða atkvæði með Brexit-samningi sem ræddur verður í næstu viku, að því er BBC greindi frá. 

Ef þeir greiða ekki atkvæði með samningnum mun ESB samþykkja frest til 12. apríl.

Donald Tusk, forseti leiðtogaráðs ESB, tísti á Twitter að þessi ráðstöfun hafi verið samþykkt „einróma“.

Viðræður um Brexit stóðu yfir langt fram á kvöld og bárust fregnir af því að ósamkomulag hafi verið fyrir hendi hjá leiðtogum ESB-ríkjanna. Að sögn BBC veltu einhverjir fyrir sér dagsetningunni 7. maí á meðan aðrir vildu veita frest til loka þessa árs.

Theresa May, forsætisráðherra Bretlands, samþykkti þá valkosti sem ESB lagði á borðið. „Ég hitti May forsætisráðherra þó nokkrum sinnum í kvöld til að vera viss um að Bretar samþykktu valkostina sem voru í boði varðandi frestun og ég get glaður staðfest að við náðum samkomulagi,“ sagði Tusk, að því er AFP-greindi frá.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt