Á tveggja tíma fundi Theresu May, forsætisráðherra Bretlands, með leiðtogum Evrópusambandsins tókst henni ekki að sannfæra leiðtogana um að Bretland sé með áætlun til vara, hafni þingið Brexit-samningnum í þriðja sinn.

May svaraði spurningum leiðtoga ESB í Brussel í gær þar til hún var beðin um að yfirgefa fundinn. Hófu leiðtogarnir þá að semja sín á milli um nýja áætlun vegna Brexit.

Breski forsætisráðherrann er í erfiðri stöðu þar sem Brexit-samningi hennar hefur verið hafnað í tvígang og stefnir í að Bretland muni að óbreyttu yfirgefa ESB án samnings 29. mars.

Þegar hún var spurð hvert plan-B væri ef þingið hafnar samningi hennar á nýs, sagði May hún aðeins hafa plan-A og að stefnt væri að því að láta það ganga upp.

Frétt af mbl.is

Samþykkja að fresta Brexit

Leiðtogar hinna 27. aðildarríkja ESB hafa þó sagst reiðubúnir til þess að fallast á beiðni May um að fresta Brexit til 22. maí, það er hins vegar háð því að breska þingið samþykki samningin sem það hefur hafnað tvisvar.

Þá flækist staðan nokkuð því John Bercow, forseti breska þingsins, neitar að setja Brexit-samningin aftur á dagskrá þingsins nema hann taki verulegum breytingum. Fyrir ákvörðun sinni beitti Bercow umdeilt fordæmi þingskaparlaga frá árinu 1604.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt