Norska skemmtiferðaskipið Viking Sky er komið í örugga höfn í Molde eftir að hafa siglt þangað fyrir eigin vélarafli á um 7 hnúta hraða.

Skipinu var fylgt í höfn af tveimur dráttarbátum og var mikill viðbúnaður vegna komu þess. Sigldi það inn í höfnina klukkan 15.15 að íslenskum tíma.

Viking Sky á leið inn í höfnina. AFP

Af 1.373 farþegum höfðu um 463 verið flutt­ir í land með þyrl­um, en um tíma var tal­in hætta á að skipið strandaði.

Að sögn lögreglunnar voru sautján af þeim sem bjargað var fluttir á sjúkrahús. Níræður farþegi og tveir sjötugir slösuðust alvarlega.  

Í myndskeiði norska fréttamiðilsins NRK má sjá farþega skipsins veifa til þeirra sem bíða við höfnina. „Okkur tókst það!“ hrópuðu sumir þeirra og greinilegt að þeim var létt. 

Viðbúnaðurinn var mikill. AFP

AFP

Tengdar fréttir

Viking Sky

Hefja rannsókn á Viking Sky

• Segja of fáar þyrlur í N-Noregi
• „Okkur er öllum brugðið“
• Viking Sky siglir fyrir eigin afli
• Björgunarflugi hætt tímabundið

» Fleiri tengdar fréttir

• Blogga um frétt