Breska þingið tekur ráðin af May

Theresa May, forsætisráðherra Bretlands.
Theresa May, forsætisráðherra Bretlands. AFP

Breska þingið samþykkti í kvöld, þvert á vilja ríkisstjórnarinnar, að greiða atkvæði um mögulegar leiðir til að finna lausn á fyrirhugaðri útgöngu Bretlands úr Evrópusambandinu. 329 þingmenn kusu að fara þessa leið en 302 voru á móti. Segja má því að þingið hafi tekið ráðin af Theresu May, forsætisráðherra Bretlands.  

Þrír ráðherrar í ríkisstjórn May sögðu af sér til að kjósa með tillögunni, þeirra á meðal er Richard Harrington viðskiptaráðherra. 

Atkvæðagreiðsla um tillögurnar sem þingmenn samþykktu að greiða atkvæði um í kvöld er fyrirhuguð á miðvikudag. Meðal tillagna sem greidd verða atkvæði um er „vægari útganga“ og önnur þjóðaratkvæðagreiðsla um Brexit.

May reyndi í dag að fá meirihluta þingheims til að samþykkja að greiða atkvæði um tillögur ríkisstjórnarinnar á ýmsum úrlausnarmálum tengdum Brexit, en án árangurs. May sagði að með yfirtöku þingmanna á dagskrárvaldi neðri málstofu breska þingsins sé verið að setja „illa séð fordæmi“.

Fyr­ir­hugað er að út­ganga Bret­lands úr ESB (Brex­it) verði á föstu­dag­inn en May hef­ur óskað eft­ir því að fresta henni. ESB hef­ur samþykkt frest­un til 12. apríl liggi út­göngu­samn­ing­ur ekki fyr­ir en 22. maí verði út­göngu­samn­ing­ur Mays samþykkt­ur af breska þing­inu í þriðju til­raun komi til henn­ar.

Hér má fylgjast með beinni textalýsingu BBC frá atburðarás kvöldsins á breska þinginu. 

mbl.is
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Greinakurlarar
Eigum til 15 hp greinakurlara með bensínmótor. Taka allt að 100mm greinar. Upp...