Grínistinn langefstur í útgönguspám

Útgönguspár í Úkraínu benda til þess að það verði grínistinn Volodimír Selenskí og forsetinn Petró Porosjenkó sem fari áfram í aðra umferð forsetakosninganna í landinu, en Úkraínumenn kusu í fyrri umferðinni í dag.

Samkvæmt samantekt á þremur mismunandi útgönguspám frá Úkraínu er Selenskí með örugga forystu, 30,4%, og Porosjenkó þar á eftir með 17,8%. Í þriðja sæti var svo Júlía Tímósjenkó, fyrrverandi forsætisráðherra ríkisins, með 14,2%.

Ef þetta reynist rétt niðurstaða er úrslit liggja endanlega fyrir verða það grínistinn Selenskí og sitjandi forseti sem takast á um hylli kjósenda í annarri umferð forsetakosninganna.

Selenskí er aðalleik­ar­inn í grínþátt­un­um „Þjónn fólks­ins“ sem njóta mik­illa vin­sælda í Úkraínu og hafði mælst með um 25% fylgi í aðdraganda fyrri umferðarinnar.

Frétt af mbl.is

Grínisti með mesta fylgið

Forsetinn Petró Porosjenkó á kjörstað í Kænugarði í dag. Útgönguspár benda til að hann eigi enn möguleika á að halda sér í embætti. AFP

• Blogga um frétt