Erlent | mbl | 6.4.2019 | 22:50

Getur tekið 2 ár á sameina fjölskyldur á ný

Foreldrar flýja með börn sín undan fátækt í Gvatemala, El Salvador og víðar. AFP

Það kann að taka bandarísk stjórnvöld allt að tvö ár að bera kennsl á þær þúsundir barna sem voru verið skilin frá foreldrum sínum er þau fóru ólöglega yfir landamæri Mexíkó til Bandaríkjanna.

Reuters fréttaveitan segir bandarísk stjórnvöld veita þessi svör í dómsskjölum sem lögð voru fram á föstudag, en það er í fyrsta skipti sem stjórnin hefur lagt fram mat á fjölda barna sem skilin voru frá frá fjölskyldum sínum í kjölfar „zero tolerance“ stefnunnar sem Donald Trumps Bandaríkjaforseti tók upp í málefnum ólöglegra innflytjenda síðasta vor.

Stefnan, sem var gagnrýnt harðlega, fók m.a. í sér að allir þeir sem fóru ólöglega yfir landamærin til Bandaríkjanna voru handteknir og væru þeir með börn í för, þá voru þau flutt í sérstakar búðir. Trump neyddist síðan til að bakka með þessa stefnu.

Frétt af mbl.is

Börnin enn í biðstöðu

Í síðasta mánuði víkkaði dómari í San Diego út þann fjölda innflytjendafjölskyldna sem bandarískum stjórnvöldum er nú gert að sameina á ný sem hluta af málshöfðun Mannréttindasamtaka Bandaríkjanna (American Civil Liberty Union, ACLU).

Börn ólöglegra innflytjenda eru hér á ferð með starfsmönnum kaþólskra góðgerðarsamtaka síðasta sumar, eftir að vera látin laus úr einum af barnabúðum bandarískra yfirvalda í Texas. AFP

Bandaríska heilbrigðisráðuneytið greindi fyrr á þessu ári frá því að fjölmörg börn hefðu þá þegar bæst í hóp þeirra 2.737 barna sem dómarinn Jana Sabraw fyrirskipað yfirvöldum síðasta sumar að sameina foreldrum sínum á ný.

Frétt af mbl.is

Bindur enda á aðskilnað fjölskyldna

„Verjendur áætla að það taki að minnsta kosti 12 mánuði að bera kennsl á þau börn sem þetta á við og mögulega 24 mánuði,“ segir í svörum bandarískra stjórnvalda í dómsskjölunum. Tímalengdin muni þó vissulega velta á því fjármagni og starfsmannafjölda sem fengin verði í verkefnið.

Lee Gelernt, lögfræðingur ACLU, segir samtökin mótmæla áætlun stjórnvalda harðlega og saka þau raunar stjórnina um að taka ekki á málinu af viðeigandi alvöru.