Yfir 750 dauðsföll en ekki neyðarástand
Setja bókamerki
Hvað er ebóla?
- Ebóla er veirusýking sem veldur alvarlegum veikindum, sem leiða til dauða í um 60% tilfella.
- Veiran greindist fyrst 1976 og hefur leitt til sýkingahrina í Mið- og Vestur-Afríku.
- Veiran veldur sjúkdómi í mönnum og öpum.
- Ekki er fyllilega vitað um uppruna hennar en talið er að ávaxtaleðurblökur séu einkennalausir berar veirunnar.
1.206 manns hafa smitast af ebólu og 764 látið lífið í faraldri sem hefur geisað í Austur-Kongó frá því í ágúst. Alþjóðaheilbrigðisstofnunin (WHO) telur þó ekki þörf á að lýsa yfir neyðarástandi, að minnsta kosti ekki um sinn.
Heilbrigðisstarfsfólk vinnur í kapp við tímann við að bólusetja íbúa í landinu en átök og árásir uppreisnahópa hafa gert þeim erfitt fyrir. Þá segir í yfirlýsingu Lækna án landamæra að það sé öryggissveitum landsins um að kenna að ekki hafi tekist að ná stjórn á faraldrinum þar sem þær eigi í „eitruðu“ sambandi við marga íbúa landsins.
Sérfræðingar vara við að erfitt geti reynst að ná tökum á ástandinu þar sem sífellt verr gengur að ná yfirsýn yfir smitaða og þá sem þeir komast í snertingu við sökum harðnandi átaka á svæðinu.
Yfirlýsing neyðarástands myndi í raun engu breyta
Prófessor Robert Steffen, formaður neyðarnefndar um ebólufaraldurinn hjá WHO, segir hins vegar að yfirlýsing neyðarástands á svæðinu myndi ekki breyta neinu. „En það þýðir ekki að við getum hallað okkur aftur og slakað á,“ segir Steffen. Þörf sé á auknu fjármagni til að koma í veg fyrir alþjóðlega lýðheilsuógn. Þá segir hann að stofnunin hafi einungis fengið helming þess fjármagn sem þarf til að takast á við faraldurinn.
Fyrstu smitin greindust í Norður-Kivu héraði í ágúst í fyrra en hefur nú einnig greinst í Ituri-héraði. Þetta er í fyrsta skipti í 40 ár sem ebóla kemur upp í landinu. Litlar líkur eru taldar á því að faraldurinn nú geti breiðst út á heimsvísu.
Bóluefni eru aðgengilegri nú í fyrri ebólufaröldrum, en þrátt fyrir það hafa 30 heilbrigðisstarfsmenn látið lífið og 85 smitast, sem dregur á sama tíma úr getunni til að takast á við faraldurinn.
Dr. Jeremy Farrar, yfirmaður Wellcome-góðgerðarstofnunarinnar, segir að viðbragðsteymin í Austur-Kongó þurfi á öllum þeim stuðningi að halda sem kostur er á, ekki síst frá stjórnmálaöflum.
Neyðarástandi vegna ebólu var síðast lýst yfir vegna ebólufaraldurs í Vestur Afríku 2013-2016 þegar yfir 11 þúsund létust í ebólu-faraldri. 2016 var einnig lýst yfir neyðarástandi vegna Zika-veirunnar.
Hvað er ebóla?
- Ebóla er veirusýking sem veldur alvarlegum veikindum, sem leiða til dauða í um 60% tilfella.
- Veiran greindist fyrst 1976 og hefur leitt til sýkingahrina í Mið- og Vestur-Afríku.
- Veiran veldur sjúkdómi í mönnum og öpum.
- Ekki er fyllilega vitað um uppruna hennar en talið er að ávaxtaleðurblökur séu einkennalausir berar veirunnar.
Handteknir eftir myndatöku í Vesturbæjarlaug
Skar höfuðleðrið af íslenskri konu
Tóku upp hanskann fyrir leikskólabörn
„Á réttri leið en nokkuð í land ennþá“
„Hvílir mikil leynd yfir þessu öllu“
„Það þarf að vinna mikinn fjölda upp“
Hernaðaraðstoð samþykkt – Vopnasendingar í vikunni
Tveir í bílnum sem lenti utan vegar