Jafnaðarmenn eru sigurvegarar kosninganna í Finnlandi ef marka má útgönguspá. Samkvæmt henni fá þeir 19% fylgi og eru líkur á fyrstu vinstristjórninni í Finnlandi í 16 ár.
Talin hafa verið 45% atkvæða en Miðflokkurinn, sem var stærsti flokkurinn fær 15%, sama og þjóðernisflokkurinn Sannir Finnar. Samstöðuflokkurinn fær rúm 17% atkvæða.
Juha Sipilä forsætisráðherra og hægristjórn hans sögðu af sér fimm vikum fyrir kosningar. Sipilä mistókst að koma umdeildu frumvarpi um breytingar á félagsmála- og heilbrigðislöggjöf landsins í gegnum þingið.
Kjörstaðir opnuðu klukkan níu að staðartíma í morgun og lokuðu klukkan átta í kvöld, eða klukkan fimm síðdegis að íslenskum tíma. Útgönguspáin byggir á utankjörfundaratkvæðum, sem verður líklega góður fyrirboði um raunveruleg úrslit þar sem rúm ein og hálf milljón, rúmur þriðjungur kosningabærra, greiddi atkvæði utan kjörfundar.