„Ég sá fyrir tilviljun hvítan reyk“
Notre-Dame kirkjan er í ljósum logum.
AFP
Setja bókamerki
„Ég sá fyrir tilviljun hvítan reyk stíga upp þegar ég var að fara frá kirkjunni. Ég áttaði mig ekki á að það væri kviknað í. Ég sá það svo í fréttum,“ segir Jón Þór Sturluson sem gekk fram hjá Notre-Dame kirkjunni í París skömmu áður en eldurinn braust út.
Hann taldi hvíta reykinn sem steig til himins tengjast framkvæmdunum á kirkjunni sem standa nú yfir.
Jón Þór er staddur á kaffihúsi í um 2-300 metra frá Notre-Dame kirkjunni. Í samtali við mbl.is heyrist glögglega í sírenum frá slökkviliðs- og lögreglubílum sem renna fram hjá kaffihúsinu. Mikill viðbúnaður er vegna eldsvoðans.
Jón Þór Sturluson aðstoðarforstjóri Fjármálaeftirlitsins er í París.
Ljósmynd/Aðsend
Segir nýtt frumvarp gefa eldisfyrirtækjum auðlindir
Myndskeið: „Fólk var komið ískyggilega nálægt“
Baldur: „Ég ætla að svara þessu kalli“
Sáttur við sína stöðu og finnur fyrir meðbyr
„Þetta náttúrulega endar með ósköpum“
Búið að bólusetja börn alla helgina