Jarðskjálfti, 6,1 að stærð, reið yfir Taívan kl. 5:01 í nótt og olli því að háhýsi í Taípei sveifluðust til, auk þess sem samgöngutruflanir urðu. Neðanjarðarlestarkerfinu í Taípei var lokað um stund af öryggisástæðum og þá þurfti að loka hraðbraut á milli borganna Yilan og Hualien vegna steina, sem fallið höfðu niður á veginn.
Í frétt AFP um skjálftann kemur fram að tveir hið minnsta hafi slasast vegna steina sem féllu á þá. Skjálftinn fannst í heilar 33 sekúndur, sem þykir ansi langur tími og fannst skjálftinn um alla eyjuna, samkvæmt Chen Kuo-chang hjá jarðfræðistofnun Bandaríkjanna (USGS).
Myndskeiðið hér að neðan sýnir hvernig skrifstofurými í Hualien hristist til í skjálftanum í morgun.
TAIWAN EARTHQUAKE: Lights swaying and flickering in this office in Hualien as a 6.1-magnitude quake rattled the city https://t.co/N8BO77J2Mc pic.twitter.com/CFS2ODFOh7
— CNA (@ChannelNewsAsia) April 18, 2019
Íbúar á Taívan eru ýmsu vanir er kemur að jarðhræringum, enda liggur eyjan á flekamótum. Gríðarlegur jarðskjálfti skók eyjuna í september 1999, en þá létust 2.400 manns.