Jarðarlag með milljónir áhorfa

Skjáskot/Youtube

Ariana Grande, Justin Bieber, Snoop Dog og Rita Ora eru á meðal þeirra 30 heimsþekktu tónlistarmanna sem taka þátt í lagi sem ætlað er að vekja athygli á neikvæðri þróun í umhverfismálum. Grínistinn og rapparinn Lil Dicky stendur að gerð lagsins sem skapað var í tilefni Jarðardagsins sem er á mánudaginn.

The Guardian greinir frá því að Lil Dicky segir hugmyndina að laginu hafa byrjað sem lélegan brandara en nú sé lagið líklega það mikilvægasta sem hann hafi gert á ævinni. Lagið heitir einfaldlega „Earth“ eða „Jörð“.

Við verðum að bjarga þessari plánetu

Lil Dicky ávarpar Justin Bieber í laginu og segir : „Veistu hvað, Bieber? Við gætum dáið. Ég ætla ekki að ljúga að þér. Ég meina, það eru svo margir þarna úti sem trúa ekki á hlýnun jarðar. Vissirðu það? Við verðum að bjarga þessari plánetu. Við erum að haga okkur heimskulega.“ Ariana Grande grípur þá inn í: „Nema við grípum til aðgerða, núna strax.“

Hluti ágóðans af laginu mun renna til sjóðs Leonardo DiCaprio sem starfar í þágu umhverfismála en leikarinn Leonardo DiCaprio kemur sjálfur fram í myndbandinu sem er teiknimyndafígúra en tónlistarmyndbandið er að stærstum hluta teiknimynd.

Lagið fór í loftið snemma í dag og hefur þegar þetta er skrifað fengið rúmlega 6,5 milljónir áhorfa.

mbl.is
Kisudagurinn í Kattholti 1.júní n.k. kl.12
Haldinn verður markaður til styrktar athvarfinu Stangarhyl 2, 110 Rvík og verður...
Til sölu spónlagðar plötur eik, mahogan
Til sölu spónlagðar plötur eik, mahogany og beyki, 60 x280 cm. 16 mm þykkar. Ver...
fjóir eldhús- stálstólar
fjórir stáleldhússtólar nýlegir á 25,0000 allir sími 869-2798...
Vor í Tungunum, Eyjasól ehf.
Nú er að skella sér í sumarbústað um helgina og eða næstu... Rúm fyrir 5-6. Tak...