Norskur milljarðamæringur fundinn

Vinningshafinn í Víkingalottóinu á miðvikudaginn hafði betur gegn hlutfallinu 1:98000000, ...
Vinningshafinn í Víkingalottóinu á miðvikudaginn hafði betur gegn hlutfallinu 1:98000000, einn á móti 98 milljónum, og var með allar tölurnar réttar. Illa gekk að ná sambandi við hann í síma þar sem hann hélt að sölumenn væru að hringja. Myndin er af Eurojackpot-seðlum og er úr myndasafni. AFP

Vinningshafi frá Østfold-fylki í Noregi, sem varð 1,3 milljörðum króna ríkari í Víkingalottóútdrættinum á miðvikudaginn og ekkert símasamband náðist í fyrstu við, hringdi í Norsk Tipping um níuleytið í gærkvöldi og kvaðst ekki hafa svarað í símann af ótta við að númer Norsk Tipping, 625 60000, tilheyrði símasölumönnum.

„Það var huggulegt, þúsund þakkir! [n. Det var koselig, tusen takk!]“ voru fyrstu viðbrögð vinningshafans sem var með allar tölurnar réttar á miðvikudagskvöldið og vann samtals 1.263 milljónir króna á íslenskan mælikvarða en líkurnar á að eiga röð með öllum útdregnum tölum í Víkingalottóinu eru einn á móti 98 milljónum svo heilladísirnar voru heldur betur í liði með Norðmanninum sem hlaut þann stóra á miðvikudaginn.

Börn vinningshafans tóku að velta því fyrir sér hvers vegna sífellt væri verið að hringja í föður þeirra úr þessu tiltekna númeri. „Þá fletti ég númerinu upp og sá að það tilheyrði Norsk Tipping,“ sagði milljarðamæringurinn við starfsfólk Norsk Tipping í gærkvöldi. „Ég ákvað þá að hringja til baka og athuga málið,“ eru ummæli sem nánast allir norskir fjölmiðlar hafa haft eftir honum í kvöld.

Vinningshafinn æskir nafnleyndar og biður um að ekki sé annað gefið upp um persónu hans en að hann búi í fylkinu Østfold. Þegar Norsk Tipping spurði skylduspurningarinnar um hvað hann hygðist gera við peningana varð fátt um svör:

„Ja, ætli ég gefi ekki bara sérstaklega stór páskaegg í ár,“ hafa norskir fjölmiðlar eftir vinningshafanum gegnum Norsk Tipping.

mbl.is
Kantsteins og múrviðgerðir
Vertíðin hafin hafið samband í símum 551 4000. 6908000 á verktak@verktak.is e...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
Til sölu ósamansettur bìlskúr
Til sölu ósamansettur bìlskúr 6x4 m. Bjálki 45 mm. Þak, gólf og inn-keyrsluhurð ...
Sumarhús- Gestahús- Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...