Tíu létust og meira en 30 særðust eftir að lögreglumaður keyrði bíl sinn inn í hóp af börnum á páskahátíð í norðausturhluta Nígeríu í gær. Reiður múgurinn réðst á ökumanninn og myrti hann.
„Tíu létust, þar á meðal lögregluþjónninn og félagi hans sem var með honum,“ sagði talsmaður lögreglu. Þar kom einnig fram að lögregluþjónninn hafi ekki verið á vakt þegar atvikið átti sér stað.
Því var bætt við að reiður múgurinn hefði ráðist á mennina og drepið þá.
Samkvæmt vitnum ók maðurinn viljandi að hópi fólks eftir að hafa lent í rifrildi vegna þess að hann komst ekki leiðar sinnar en veginum hafði verið lokað vegna hátíðarhalda. Þegar börnin hleyptu manninum loks fram hjá keyrði hann viljandi á þau.