Pútín og Kim hittast á leiðtogafundi

Vladimír Pútín Rússlandsforseti og Kim Jong-un, leiðtogi Norður-Kóreu, hittast á ...
Vladimír Pútín Rússlandsforseti og Kim Jong-un, leiðtogi Norður-Kóreu, hittast á leiðtogafundi í Rússlandi á fimmtudaginn kemur. Verður það í fyrsta skipti sem leiðtogarnir hittast augliti til auglitis. AFP

Vladimír Pútín, forseti Rússlands, og Kim Jong-un, leiðtogi Norður-Kóreu, hittast á fundi í Rússlandi á fimmtudaginn kemur, sumardaginn fyrsta. „Sjónum verður beint að pólitískri og diplómatískri lausn á ágreiningi um kjarorkuvopn á Kóreuskaganum,“ sagði Yuri Ushakov, ráðgjafi rússnesku ríkisstjórnarinnar í utanríkismálum, þegar tilkynnt var um fund leiðtoganna í dag, en þetta verður í fyrsta skipti sem Pútín og Kim hittast með formlegum hætti.

Fundurinn fer fram í Vladivostok í austurhluta landsins, að öllum líkindum á Russky-eyju við Kyrrahafið. Stjórnvöld í Moskvu tilkynntu í síðustu viku að leiðtogafundurinn væri fyrirhugaður í þessum mánuði.

Fundurinn verður fyrst og fremst umræðufundur, en ekki stendur til að leiðtogarnir undirriti sameiginlega yfirlýsingu eða samkomulag að fundi loknum, að því er fram kemur í tilkynningu frá stjórnvöldum í Rússlandi.

mbl.is
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...
Toyota Corolla 2005
Til sölu, ekinn um 176.000 km. Þokkalegt eintak. Sumar og vetrardekk. Næsta skoð...
Málun bílastæða
Vertíðin hafin leitið tilboða: S: 551 4000 - verktak@verktak.is eða á http...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...