Sendir vopnaða hermenn að landamærunum
Setja bókamerki
Donald Trump Bandaríkjaforseti ætlar að senda vopnaða hermenn suður að landamærunum að Mexíkó eftir að mexíkóskir hermenn miðuðu að hans sögn byssum að bandarískum hermönnum.
Trump er þarna væntanlega að vísa til atviks sem átti sér stað 13. apríl er mexíkóskir hermenn yfirheyrðu og miðuðu byssum sínum á tvo bandaríska hermenn við eftirlit á landamærum ríkjanna.
„Mexíkóskir hermenn miðuðu nýlega byssum að hermönnum okkar, væntanlega til að beina athyglinni frá eiturlyfjasmyglurum á landamærunum. Eins gott að þetta gerist ekki aftur!“ skrifaði forsetinn á Twitter. „Við erum núna að senda VOPNAÐA HERMENN að landamærunum. Mexíkó er ekki að gera nærri því nóg í að handsama og endursenda!“
Bandarísk landamærayfirvöld segja að tveir bandarískir hermenn hafi ekið um á ómerktum bíl við eftirlitsstörf, Bandaríkjamegin landamæranna að Mexíkó, er fimm eða sex mexíkóskir hermenn nálguðust þá. Atvikið átti sér stað norður af Rio Grande í Texas. Mexíkóarnir hafi talið Bandaríkjamennina hafa farið yfir landamærin sem reyndist svo ekki rétt.
Heimildarmenn fréttastofu CNN segja að mexíkósku hermennirnir hafi beint byssum sínum að þeim bandarísku og tekið af þeim eina byssu. Þeir hafi svo ræðst stuttlega við og í kjölfarið hafi þeir farið hver í sína áttina.
„Hvílir mikil leynd yfir þessu öllu“
Skiptir miklu meira máli en fólk grunar
Æskuvinur Íslendings myrtur í Noregi
Handtekin eftir að tvö börn fundust látin
Beint frá Kína
„Það þarf að vinna mikinn fjölda upp“
Verðbólgan komin niður í 6%
„Skýr skilaboð til Seðlabankans“