Afsökunarbeiðni Biden ekki nóg

Anita Hill.
Anita Hill. Skjáskot

Joe Biden, fyrrverandi varaforseti Bandaríkjanna, hringdi í Anitu Hill fyrr í mánuðinum til að lýsa því yfir að hann sæi eftir því „sem hún mátti þola“ þegar hún bar vitni gegn Clarence Thomas árið 1991 en Hill sakaði Thomas um kynferðislega áreitni.

Hill seg­ist ekki geta stutt Biden fyrr en hann tekur ábyrgð á því sem hann hefur gert. Biden var formaður dóms­mála­nefnd­ar öld­unga­deild­ar Banda­ríkjaþings árið 1991 þegar ásak­an­ir Hill á hend­ur Thom­as komu í dags­ljósið. Þær komu ekki í veg fyr­ir að hann yrði hæsta­rétt­ar­dóm­ari og hef­ur hann gegnt embætt­inu síðan.

Joe Biden.
Joe Biden. AFP

Talskona Biden segir að hann hafi hringt í Hill en Biden hef­ur löng­um verið þekkt­ur fyr­ir það sem marg­ir telja ósæmi­lega hegðun í garð kvenna og hafa tvær kon­ur ný­lega stigið fram og sakað hann um áreitni. Biden tilkynnti í dag að hann myndi gefa kost á sér í for­vali demó­krata í aðdrag­anda for­seta­kjörs í land­inu.

Hill sagði að hún hefði verið ósátt eftir símtalið við Biden og neitaði að túlka orð hans sem afsökunarbeiðni. Hún sagðist ekki vera sannfærð um að Biden átti sig á því hvaða skaða hann hefði valdið henni og öðrum konum sem voru fórnarlömb kynferðislegrar áreitni og kynbundins ofbeldis.

„Ég get ekki verið sátt við að heyra sagt að einhver biðjist afsökunar á því hvað kom fyrir mig. Ég verð sátt þegar ég veit að það verða alvörubreytingar og fólk tekur ábyrgð á gjörðum sínum,“ sagði Hill.

„Það að biðja mig afsökunar er eitt. Hann þarf að biðja aðrar konur afsökunar og almenning vegna þess að við vitum að íbúar landsins eru vonsviknir. Ekki bara konur. Karlar og konur hafa misst trú á því að ríkisstjórn landsins bregðist við kynbundnu ofbeldi.“

Kate Bedingfield, kosningastjóri Biden vegna forsetakosninganna á næsta ári, sagði að Hill og Biden hefðu rætt saman. Þar hefði hann sagt henni að hann sæi eftir atburðunum fyrir 28 árum og hrósaði henni fyrir hvernig hún hefði breytt venjum og hefðum í tengslum við kynferðislega áreitni í landinu.

Frétt New York Times.

mbl.is

Bloggað um fréttina

Til sölu 200 skápalamir smelltar borun
Til sölu 200 skápalamir smelltar borun 35 mm staðall iso 9002. Verð kr 15.000. E...
Toyota Corolla 2005
Til sölu, ekinn um 176.000 km. Þokkalegt eintak. Sumar og vetrardekk. Næsta skoð...
NUDD- LÁTTU ÞER LIÐA VEL.
Verð ekki við vinnu fyr en um eða eftir miðjan mars . SIMI 863-2909...
Til sölu panelklæðning 16 mm þykk, þeku
Til sölu panelklæðning 16 mm þykk, þekur 12.5cm. Verð kr. 550 lm án vsk. Uppl. s...