Netanyahu fyrirskipar fleiri árásir á Gaza

Benjamin Netanyahu, forsætisráherra Ísrael.
Benjamin Netanyahu, forsætisráherra Ísrael. AFP

Benjamin Netanyahu, forsætisráðherra Ísraels, greindi í dag frá því að hann hefði fyrirskipað her landsins að gera frekari árásir á Gaza og bregðast með því við flugskeytaárásum Hamas-liða, en átök hafa farið harðnandi milli Ísraela og Palestínumanna.

„Ég fyrirskipaði [hernum] nú í morgun að halda áfram umfangsmiklum árásum á Gaza-svæðið og fyrirskipaði styrkingu heraflans á Gaza með skriðdrekum, stórskotaliði og landgönguliði,“ sagði Netanyahu við upphafi ríkisstjórnarfundar.

Ísraelsk stjórnvöld segja um 450 flaugum hafa verið skotið frá Gaza frá því í gær og að ísraelski herinn hafi svarað með röð loftárása og skriðdrekaárásum.

Syrgjendur í Gaza bera hér barn sem féll í árásum ...
Syrgjendur í Gaza bera hér barn sem féll í árásum í gær. Yfirvöld á Gaza segja barnið hafa látist í árásum Ísraela, en því hafna Ísraelar og segja villuskot frá Hamas hafa valdið dauða þess. AFP

Yf­ir­völd á Gaza segja sex Palestínu­menn hafa fallið í árás­um Ísra­ela, þá er einn ísra­elsk­ur maður sagður hafa far­ist í árás Ham­as-liða á borg­ina Ashkelon að sögn ísra­elsku lög­regl­unn­ar og eins á ísra­elsk kona að hafa særst al­var­lega.  Þá full­yrða víga­sam­tök­in Ríki íslams að tveir liðsmenn sam­tak­anna séu í hópi hinna látnu og eru þeir lofaðir í til­kynn­ingu sam­tak­anna sem „víga­menn“.

Ísra­elski her­inn hafnar því hins vegar að ólétt kona og barn henn­ar, sem lét­ust í árás­un­um, hafi lát­ist fyr­ir til­stilli loft­árása Ísra­ela og full­yrðir að dauða kon­unn­ar megi rekja til villuráfandi skots frá Ham­as-liðum.

„Þetta er spuna­áróaður hryðju­verka­sam­tak­anna eins og hún ger­ist best,“ hef­ur AFP-frétta­veit­an eft­ir Ronen Manel­is tals­manni Ísra­els­her.

Húsarústir í Gazaborg eftir árásirnar í gær.
Húsarústir í Gazaborg eftir árásirnar í gær. AFP

Netanyahu á nú í erfiðum viðræðum um myndun nýrrar ríkisstjórnar eftir að flokkur hans fór með sigur í þingkosningum  sem haldnar voru í apríl.

Vopnahlé sem komið var á með aðstoð Sameinuðu þjóðanna og egypskra stjórnvalda olli því að verulega dró úr árásum dagana í kringum kosningarnar.  Undanfarna viku hefur spenna hins vegar aukist á ný, en Hamas-liðar krefjast aukinna tilslakana frá ísraelskum stjórnvöldum.

mbl.is
STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
Hyundai Tuscon 2007 til sölu
Vel með farinn, bensín, beinsk.. ek. 211 þús. km. Einn eigandi, búið að skipta ...
Hyundai Getz árgerð 2007. Ekinn 187.000
Hyundai Getz árgerð 2007. Ekinn 187.000 km. Góður snattari sem þarf að laga aðei...