Ísraelum sem búa í suðurhluta landsins verður boðið á undankvöld Eurovision-keppninnar á þriðjudag og æfingar í aðdraganda keppninnar. Ísraelska ríkisútvarpið KAN greindi frá þessu í dag.

Allir sem búa í 40 kílómetra fjarlægð frá Gaza geta nálgast miða en í tilkynningu frá KAN kemur fram að ætlunin sé að sýna íbúunum stuðning eftir harðar loftskeytaárásir um síðustu helgi.

Í frétt Jerusalem Post kemur fram að einnig sé gott fyrir KAN að reyna að fylla höllina en þrátt fyrir að uppselt sé á úrslitakvöldið 18. maí eru enn um 2000 miðar til sölu á undankvöldið á þriðjudag.

Auk þess er fjöldi miða óseldur á æfingar fyrir undankvöldin. Staðan er sögð fordæmalaus í sögu keppninnar, samkvæmt sérfræðingum.

Alls féllu 29 manns í átökum helgarinnar, sem eru þau hörðustu í áraraðir. 25 Palestínumenn og fjórir Ísraelar létust en samið var um vopnahlé á mánudag.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

Ísrael/Palestína

Hernaðaraðstoð samþykkt – Vopnasendingar í vikunni

• Gerðu drónaárásir á ísraelskar herstöðvar
• Áköf mótmæli í bandarískum háskólum
• Björguðu barni úr móðurkviði eftir loftárás
• Engar sannanir sem bendla UNRWA við árásina

» Fleiri tengdar fréttir

• Blogga um frétt