Taldi móður sína innbrotsþjóf

Karlmaður á þrítugsaldri á yfir höfði sér morðákæru fyrir að hafa ráðist á móður sína með hafnarboltakylfu en hann taldi hana vera innbrotsþjóf. Mál mannsins, Thomas Summerwill sem er 21 árs, var tekið fyrir á þriðjudaginn en aðalmeðferð hefst í næstu viku. Fréttamiðillinn ABC greinir frá. 

Hinn 24. mars síðastliðinn vaknaði Summewill að einhver var í svefnherberginu hans. Hann taldi að þetta væri innbrotsþjófur og greip í hafnfarboltakylfuna og lamdi ítrekað í höfuð einstaklingsins. Hann gerði þetta í sjálfsvörn því hann taldi þetta innbrotsþjóf, að sögn verjanda mannsins. Verjandinn benti einnig á að sökum áfengismagns í blóði hans hafi hann ekki gert sér grein fyrir að einstaklingurinn var móðir hans.  

Þetta var móðir hans á sextugsaldri. Hún lést skömmu síðar af áverkum sínum og af áfalli yfir því að hafa hlotið slíka áverka af hendi sonar síns, samkvæmt upplýsingum yfirvalda. 

Fjölmörg heimili í nágrenni mæðginanna skrýddu hús sín með grænum borða í borginni Kane County í Illinois í Bandaríkjunum sem virðingarvott um líf móðurinnar. 

• Blogga um frétt