Donald Trump Bandaríkjaforseti hefur lýst yfir neyðarástandi til að koma í veg fyrir að bandarísk fyrirtæki noti fjarskiptabúnað erlendra fyrirtækja.
Hann segir að bandarísku þjóðinni stafi hætta af búnaðinum en svo virðist sem Trump sé með tilskipun sinni að beina sjónum sínum að kínverska fjarskiptarisanum Huawei.
Forsetinn nefnir þó ekkert fyrirtæki á nafn í tilskipun sinni heldur talar hann um „erlendan andstæðing“.
Bandarísk stjórnvöld telja að kínversk yfirvöld geti notað framleiðsluvarning Huawei, sem er þriðji stærst snjallsímaframleiðandi í heimi, til að njósna. Huawei hefur ítrekað hafnað slíkum ásökunum.