Um þrjár milljónir manna eru taldar hafa flúið efnahags- og síðar stjórnarkreppuna í Venesúela frá árinu 2015. Þetta er mat Sameinuðu þjóðanna sem segja stærstan hluta þessa hóps eiga að teljast flóttamenn.

AFP-fréttaveitan hefur eftir Liz Throssell, talsmanni flóttamannaaðstoðar Sameinuðu þjóðanna (UNHCR) að á milli 3.000-5.000 Venesúelabúar yfirgefi heimaland sitt dag hvern, en efnahagsástand í landinu hefur haldið áfram að versna á meðan Nicolas Maduro, forseti Venesúela, og þingforsetinn og leiðtogi stjórnarandstöðunnar Juan Guaidó, takast á um stjórn landsins.  

„Við teljum um þrjár milljónir manna hafa farið frá Venesúela síðan 2015,“ sagði Throssell á fundi með fréttamönnum í Genf.

Flóttamannastofnunin segir 460.000 Venesúelabúa hafa lagt fram formlega beiðni um hæli í öðrum löndum, flestar þeirra í nágrannaríkjum Venesúela. UNHCR hefur nú gefið út leiðbeiningar til ríkjanna þar sem fram kemur að flestir Venesúelabúar sem nú eru á hrakhólum teljist eiga rétt á alþjóðlegri vernd.

„Þetta er vegna þess að lífi þeirra, öryggi og frelsi stafar ógn af aðstæðum sem hafa valdið verulegum óróleika í Venesúela,“ segir í yfirlýsingu UNHCR. Þá hvatti flóttamannaaðstoðin öll ríki til að „tryggja að Venesúelabúar, óháð lagalegri stöðu sinni, séu ekki sendir úr landi eða þvingaðir til að snúa aftur til Venesúela.

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt