Þingnefndir fái aðgang að skattaskýrslu Trump
Setja bókamerki
Þingmenn í New York-ríki í Bandaríkjunum hafa samþykkt frumvarp sem gefur skattayfirvöldum í ríkinu leyfi til að afhenda þingnefndum Bandaríkjaþings skattaskýrslur Donalds Trump, forseta Bandaríkjanna. New York Times greinir frá.
Þegar Trump tók við embætti forseta í ársbyrjun 2017 vék hann frá 40 ára gamalli hefð Bandaríkjaforseta að opinbera skattaskýrslur sínar.
NYT greindi frá því fyrr í þessum mánuði að Trump hefði tapað rúmlega milljarði Bandaríkjadala, um 134 milljörðum króna, á tíu ára tímabili. Var tapið svo mikið að hann greiddi ekki tekjuskatt í átta ár af tíu og hafa fáir bandarískir skattgreiðendur tapað jafnháum fjárhæðum og Trump.
Frumvarpið, sem er alls níu síður, heimilar skattayfirvöldum í New York að afhenda hvaða þingnefnd sem er, af þeim þremur sem starfa við Bandaríkjaþing, gögn um skattaskýrslur forsetans. Þar sem New York er heimaríki forsetans, sem og viðskiptaveldi hans, eru gögnin að öllum líkindum þau sömu og er að finna í gögnum alríkisskattayfirvalda.
Búist er við að frumvarpið verði undirritað af Andrew M. Cuomo ríkisstjóra New York, en Cuomo er á sínu þriðja kjörtímabili fyrir Demókrataflokkinn og hefur gagnrýnt stefnu og gjörðir Trump harðlega frá því að hann tók við embætti.
Sáttur við sína stöðu og finnur fyrir meðbyr
Fara ekki lengur fram á einangrun yfir Davíð
„Þetta náttúrulega endar með ósköpum“
„Mér finnst Halla Hrund svona Vigdísarleg“
Bifreið ekið á skrifstofu Útlendingastofnunar
Moses Hightower og Prins Póló gefa út eyjalag
Íslendingar ein mest einmana þjóð heims
Áköf mótmæli í bandarískum háskólum