Karl og kona hafa verið ákærð fyrir morð, eftir að tveir unglingspiltar létust í því sem lögregla lýsti sem „alvarlegu atviki“ í húsi í borginni Sheffield á Englandi á föstudagsmorgun.
Fjórum börnum til viðbótar var bjargað af heimilinu eftir að piltarnir voru myrtir, en lögregla hefur lítið sem ekkert tjáð sig um málið.
Greint er frá ákærunni á hendur parinu á vef BBC, en konan hefur einnig verið ákærð fyrir tilraun til manndráps í þremur liðum.
Hin börnin fjögur eru átta mánaða, 3, 11 og 12 ára gömul. Börnin hafa hlotið meðferð á spítala og voru útskrifuð í gær.