Ópíóíðamál Oklahoma fyrir dóm
Johnson & Johnson framleiðir verkjastillandi plástra sem innihalda ópíóðalyf.
AFP
Setja bókamerki
Dómsmeðferð í máli Oklahoma-ríkis gegn lyfjaframleiðandanum Johnson & Johnson er hafin, en ríkið fer fram á marga milljarða bandaríkjadala í skaðabætur vegna markaðssetningar framleiðandans á ópíóíðalyfjum.
Saksóknarar í málinu saka Johnson & Johnson, sem er einn stærsti lyfjaframleiðandi heims, um að gera lítið úr ávanaáhættu lyfsins og segja að þannig hafi ópíóíðafaraldrinum blásið byr undir báða vængi. Talið er að 130 Bandaríkjamenn látist af völdum of stórs ópíóíðaskammts á degi hverjum.
Johnson & Johnson neitar að hafa gert nokkuð rangt og segist markaðssetja vörur sínar með ábyrgum hætti.
Yfir 2.000 málsóknir gegn lyfjaframleiðendum vegna ópíóíðalyfja eru í undirbúningi í Bandaríkjunum.
„Okkur miðar í rétta átt“
Veiting hvalveiðileyfis ekki brot á EES-samningi
„Það þarf að vinna mikinn fjölda upp“
Hernaðaraðstoð samþykkt – Vopnasendingar í vikunni
Skar höfuðleðrið af íslenskri konu
„Skýr skilaboð til Seðlabankans“
Æskuvinur Íslendings myrtur í Noregi