Mueller tjáir sig opinberlega um skýrsluna

Verður þetta í fyrsta sinn sem Mueller tjáir sig opinberlega …
Verður þetta í fyrsta sinn sem Mueller tjáir sig opinberlega um málið síðan hann hóf rannsóknina. AFP

Robert Mueller hyggst koma með yfirlýsingu um rannsókn hans á tengslum Rússa við forsetakosningarnar í Bandaríkjunum 2016 kl. 11 að staðartíma í dag, eða kl. 15 að íslenskum tíma.

Verður þetta í fyrsta sinn sem Mueller tjáir sig opinberlega um málið síðan hann hóf rannsóknina á vegum sérstaks saksóknara fyrir tveimur árum.

Mueller skilaði skýrslu sinni í apríl. Þar komst hann að þeirri niðurstöðu að ekki væri hægt að álykta að Donald Trump Bandaríkjaforseti væri saklaus af ásökunum um að hafa hindrað framgang réttvísinnar. Fjölmargir hafa í kjölfarið fram á að forsetinn verði kærður fyrir embættisbrot.

Samkvæmt frétt New York Times mun yfirlýsing Mueller vera löng og ítarleg, en mun hann ekki taka við spurningum að flutningi hennar loknum.

mbl.is