Dómstóll í Svíþjóð hefur hafnað beiðni um að Julian Assange, stofnandi Wikileaks, verði hnepptur í gæsluvarðhald í landinu vegna nauðgunarákæru frá árinu 2010.
Saksóknarar höfðu vonast eftir því að með aðstoð dómstólsins yrði Assange framseldur á skjótan hátt til Bretlands.
Dómstóll í Uppsölum sagði að þrátt fyrir að Assange sé grunaður um nauðgun sé hann núna í fangelsi í Bretlandi. Þess vegna þurfi ekki að færa hann í formlegt gæsluvarðhald í Svíþjóð til þess að sænskir saksóknarar geti yfirheyrt hann.