Framsal á Assange fyrir dóm
Setja bókamerki
Tekist verður á um hvort krefjast eigi framsals Julian Assange, stofnanda WikiLeaks, fyrir dómi í Svíþjóð í dag. Ríkissaksóknari hefur lýst vilja um að hann verði framseldur til Svíþjóðar þar sem hafin er að nýju rannsókn á nauðgunarkæru á hendur honum. Málið var tekið upp að nýju í maí en málið nær aftur til ársins 2010.
Aðstoðarríkissaksóknari Svíþjóðar, Eva-Marie Persson, hefur lagt fram beiðni um að Julian Assange verði dreginn fyrir dóm í Uppsala 20. maí. Beiðnin verður tekin fyrir í héraðsdómi í dag en Assange er nú í fangelsi í Bretlandi en hann var handtekinn í sendiráði Ekvador í London 11. apríl. Hann var dæmdur í 50 vikna fangelsi fyrir að hafa brotið gegn ákvæðum lausnar gegn tryggingu þegar hann sótti um hæli í sendiráðinu.
Rannsókn á kynferðisbrotum sem Assange er sakaður um að hafa framið í Svíþjóð árið 2010 var hætt árið 2017 þar sem ekki var talið að hægt væri að halda rannsókninni áfram þar sem Assange var í skjóli yfirvalda í Ekvador í sendiráðinu.
Tveir í bílnum sem lenti utan vegar
Banna mengandi búnað sem leyfður er á Íslandi
„Umsátursástand“
Skiptir miklu meira máli en fólk grunar
Handteknir eftir myndatöku í Vesturbæjarlaug
Sex hafa greinst með listeríu
Árshátíð ríkislögreglustjóra haldin í Tékklandi