Nauðgunarkæra gegn Ronaldo felld niður
Setja bókamerki
Nauðgunarkæra gegn knattspyrnumanninum og ofurstjörnunni Cristiano Ronaldo hefur verið felld niður.
Lögreglan í Las Vegas tók að nýju upp rannsókn á kynferðislegu ofbeldi sem átti sér stað í borginni árið 2009 að beiðni konu sem sakaði Ronaldo um að hafa nauðgað henni.
Kathryn Mayorga segir að Ronaldo hafi ráðist á hana og nauðað henni í hótelbergi í borginni það ár. Ronaldo segir ekkert hæft í ásökunum og segir þetta lygi.
Mayorga kærði árásina til lögreglu í Las Vegas skömmu eftir að hún átti sér stað. Árið 2010 komst hún að samkomulagi við Ronaldo um að fá greidda 375 þúsund Bandaríkjadali fyrir að koma ekki fram með ásakanir á hendur Ronaldo opinberlega.
Í kjölfar #metoo-hreyfingarinnar ákvað Mayorga að stíga fram með ásakanir sínar þar sem aðrar konur hafi veitt henni hugrekki til að greina frá ofbeldinu.
Yfirvöld í Las Vegas gáfu út heimild í upphafi þessa árs til að útvega DNA-sýni úr Ronaldo til að bera saman við sýni sem fannst á kjól Mayorga.
Málið hefur nú verið látið niður falla en að sögn Bloomberg-fréttastofunnar liggur ekki fyrir hvort Ronaldo hafi samið við Mayorga utan dómstóla. Tilkynning þess efnis að málsóknin hafi verið felld niður af hálfu stefnanda var lögð fyrir ríkisdómstól í Nevada í síðasta mánuði.
Gerir ráð fyrir 150 samningum í næstu viku
Mun fara sparlega með málskotsréttinn
Hæstiréttur staðfestir vanhæfi alls Landsréttar
Nauðgaði kærustu sinni og tók það upp
Myndskeið: Segjast hafa skotið niður sprengjuflugvél
Almannavarnir auka viðbúnað
Unnu að fullum heillindum að kaupum á TM