Forseti Kína, Xi Jinping, hefur lýst Vladimír Pútín Rússlandsforseta sem sínum besta vini í heimsókn sinni í Rússlandi. Þar ræða forsetarnir meðal annars pöndur, pólitík og viðskipti.
Kína og Rússland eiga það sameiginlegt að vaxandi spenna ríkir á milli þeirra og vestrænna ríkja og sjá leiðtogarnir sér leik á borði með því að efla tengsl landanna tveggja enn frekar. Xi færði þannig sönnur á vináttu leiðtoganna með veglegri gjöf: tvær risapöndur.
Xi afhjúpaði gjöfina við hátíðlega athöfn í dýragarðinum í Moskvu að Pútín og fleiri embættismönnum viðstöddum. Af myndskeiði af athöfninni er ekki annað að sjá en að Pútín líki gjöfin prýðilega.