26 særðust í flugskeytaárás
Sjónvarpsstöð á valdi húta birti mynd af því sem sagt er vera flugskeytið sem um ræðir.
Skjáskot/Al-Masirah TV
Setja bókamerki
Minnsta kosti 26 særðust þegar liðsmenn húta í Jemen skutu flugskeyti á Abha-flugstöðina í sunnanverðri Sádi-Arabíu í nótt. Þrjár konur og tvö börn eru meðal þeirra sem særðust, að því er fram kemur í umfjöllun BBC.
Heimildarmaður innan raða húta upplýsir að flugskeytinu hafi verið beint að flugstöðinni af ásetningi.
Borgarastyrjöld hefur geisað í Jemen frá árinu 2015 og eru Sádar virkir þátttakendur í átökunum og styðja þeir jemensk stjórnvöld ásamt fleiri arabaríkjum.
Hútar njóta hins vegar stuðnings Írans, en uppreisnarmennirnir eru sjítar eins og Íranar. Sádar eru súnnitar eins og stjórnarliðar í Jemen.
Tveir í bílnum sem lenti utan vegar
Skar höfuðleðrið af íslenskri konu
Skemmtiferðaskip hætt komið nærri Viðey
Æskuvinur Íslendings myrtur í Noregi
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
„Okkur miðar í rétta átt“
Veiting hvalveiðileyfis ekki brot á EES-samningi