Höfundur Chernobyl skammar aðdáendur

Aðdáendur Chernobyl-þáttanna, seríu um kjarnorkuslysið sem hefur slegið í gegn á sjónvarpsveitum, þyrpast á vettvang slyssins, hinn yfirgefna Chernobyl-bæ í Úkraínu. Og eins og ætla má fagnar höfundur þáttanna vöktum áhuga á svæðinu en einu beinir hann til fólks: að hegða sér.

Myndir hafa gengið um netið af fólki stilla sér upp brosandi í ömurlegu umhverfinu þar sem kjarnorkuslysið varð árið 1986. Þær hafa þótt stinga í stúf við það andrúmsloft sem ætti að ríkja á ámóta vettvangi.

„Það er frábært að sjá að Chernobyl á HBO hafi ýtt undir ferðamannabylgju á aflokaða svæðið. En jú, ég hef séð myndirnar sem fara um netið. Ef þið heimsækið staðinn, vinsamlega verið minnug þess að þarna átti sér stað hræðilegur harmleikur. Hegðið ykkur af virðingu við þá sem þjáðust og færðu fórnir,“ segir höfundurinn, Craig Mazin, í Twitter-færslu.

Nokkur fyrirtæki bjóða upp á ferðir inn á svæðið í kringum Chernobyl og Pripyat, yfirgefnu borgina þar sem starfsmenn í verksmiðjunni höfðu búið áður en slysið varð, segir á BBC. Veruleg aukning hefur orðið þar á eftir útgáfu þáttanna.

Twitter-færsla Mazin.

Fólki þykir nóg um.

• Blogga um frétt