Obama og Greta Thunberg á leyniráðstefnu

Barack Obama tekur til máls á sömu ráðstefnu og Greta ...
Barack Obama tekur til máls á sömu ráðstefnu og Greta Thunberg. AFP

Á meðal fyrirlesara á Brilliant Minds-ráðstefnunni í Stokkhólmi í ár eru Barack Obama, fyrrverandi Bandaríkjaforseti, Greta Thunberg loftslagsbaráttukona og Evan Spiegel, stofnandi Snapchat. 

Greta Thunberg og Obama hafa áður skipst á hlýjum kveðjum ...
Greta Thunberg og Obama hafa áður skipst á hlýjum kveðjum á netinu. Nú hittust þau í fyrsta sinn í persónu. AFP

Til að komast á ráðstefnuna verður maður að fá boðskort. Aftonbladet sænska talar því um leyniráðstefnu (s. hemligt symposium). Aðeins helstu frumkvöðlar og atkvæðamenn eru aufúsugestir á þessum vettvangi.

Mynd af Obama og Thunberg, sem hlýtur að vera tekin nú meðan á dvöl hans í Svíþjóð stendur, vekur lukku á netinu. Myndin virðist vera tekin af fagmanni í góðu myndveri. Hana er að sjá hér rétt fyrir neðan.


Obama hefur ausið viðleitni Thunberg til vitundarvakningar um loftslagsmál lofi á Twitter. Nú fá þau loks að hittast í persónu en eins og frægt er orðið ferðast Thunberg ekki með flugvél vegna umhverfisáhrifa slíks farkosts. 

Obama kom til Stokkhólms á fimmtudaginn ásamt fjölskyldu sinni til þess að taka til máls á umræddri ráðstefnu. Ráðstefnunni lýkur í dag.

Sama mynd nema á Instagram. Fjöldi manns lætur sér myndina lynda.

View this post on Instagram

Yes we can. #fridaysforfuture #schoolstrike4climate #climatestrike

A post shared by Greta Thunberg (@gretathunberg) on Jun 15, 2019 at 6:47am PDT

mbl.is

Bloggað um fréttina

Tæki fyrir traktorinn
Við erum með jarðtætara, hagasláttuvélar, kurlara og allt mögulegt fyrir traktor...
Húsaviðgerðir
https://www.husco.is...
Gagnvirkir UHD skjáir ( 4k )
Upplýsingar gefur Ólafur hjá Varmás ehf. sími 566 8144...
Til sölu Færeyingur Haffrúin 6032
Gengur í strandveiðina, Ný vél, vökvagír, skrúfa og mælaborð, nýtt rafkerfi, ra...